Tuna: Mësoni fëmijët të jenë të mirë me kafshët, për të qenë të sjellshëm me njerëz

Tuna: Mësoni fëmijët të jenë të mirë me kafshët, për të qenë të sjellshëm me njerëz

Këngëtarja e njohur shqiptare, Tuna Sejdi, është e martuar prej vitesh me anëtarin e Filharmonisë së Kosovës, Patris Berishën.

Dyshja nga martesa e tyre tanimë kanë edhe një djalë, të cilin e kanë pagëzuar me emrin, Tian.

Duke qenë se është një nënë mjaft e përkushtuar, së fundmi ajo ka dhënë një këshillë për të gjithë prindërit.

Tuna me mesazh për të gjithë prindërit (Foto: Instagram)

“Mësoni ata (fëmijët) të jenë të mirë më kafshët, ata do rriten për të qenë të sjellshëm me njerëz”, ka thënë në një postim të ndarë në rrjetin social, Instagram, këngëtarja Sejdi.

Tuna këtë vit është rikthyer fuqishëm në muzikë, pasi pauzoi për një kohë të gjatë, për shkak të lindjes së djalit të saj.

Rikthimi i saj pason me albumin “Fortuna”, që e solli në muajin mars dhe mbetet një nga sukeset më të mëdha të Tunës për tërë këto vite karrierë.

 

Ajo momentalisht është duke punuar në këngën e re, teksa siç është raportuar xhirimet e këtij videoklipi janë realizuar në Afrikë.

Përveç pushimeve, biondja duket se ka menduar edhe për një klip më ndryshe, i cili pritet të prezantohet së shpejti para publikut.


Shkruaj një koment

Ju lutem vini re, komentet duhet të aprovohen përpara se të publikohen